பெண்களைக் கவரும் ஆல்ஃபா ஆண்கள் - நீங்கள் இவ்வகையா

ஆல்ஃபா ஆண்கள் என்றால் யார்? சுருக்கமாகச் சொல்லவேண்டுமென்றால் நம் திரைப்படங்களில் நாம் வழிபடும் ஹீரோக்கள் தான் ஆல்ஃபா வகை ஆண்கள். எதிலும் எளிதில் முடிவெடுக்கக்கூடியவர்களும், பிரச்சினைகளைத் தைரியமாக எதிர்கொள்ளக் கூடியவர்களாகவும் இருப்பவர்கள் இந்த ஆல்ஃபா வகை ஆண்கள். தடைகளைத் தாண்டி, இலக்கை அடைவது வெற்றி ஒன்றையே குறிக்கோளாகக்கொண்டு செயல்படுவது இவர்களின் தனிச்சிறப்பு.

இவர்கள் எங்கும் எப்போதும் கொடுப்பவர்கள், பெறுபவர்கள் அல்ல. புறம் பேச மாட்டார்கள்.ஒரு குழுவாகச் செயல்படும்போது, தன்னுடைய வேலையை மட்டுமின்றி குழுவில் ஒவ்வொருவரும் என்ன வேலை செய்ய வேண்டும் என்பதைத் தெளிவாகத் தீர்மானிப்பவர்கள்.இவ்வளவு திட்டமிடலுக்கும் மெனக்கெடலுக்கும் பின்னும் ஒரு தோல்வி நேருமேயானால், அதில் துவண்டு விடாமல், வீழ்வேனென நினைத்தாயோ என மீண்டெழும் நெஞ்சுரம் கொண்டவர்கள். யாருடைய பரிதாபத்தையும் ஏற்றுக்கொள்ளாதவர்கள். பெண்களைப் பாதுகாப்பவர்கள். ஒரு திரைப்படப் பாடலில் வருவது போல் பெண்கள் பின்னே சுற்றாமல், பெண்ணே சுற்றும் பேரழகன். ஒரே வரியில் சொல்வதானால் - very strong personalities.

சரி, விஷயத்திற்கு வருவோம். பொதுவாக ஆல்ஃபா ஆண்களைப் பற்றி சொல்லப்படுவது, பெண்கள் இவ்வாண்கள்பால் மிகவும் ஈர்க்கப்படுவார்கள் என்பது. இதில் எந்த அளவுக்கு உண்மை உள்ளது. 

• ஆல்ஃபா ஆண்களின் பாசிட்டிவ் பக்கத்தை மேலே பார்த்தோம். இந்த பாசிட்டிவ்களே பல நேரங்களில் இவர்களின் நெகட்டிவாகவும் மாறிவிடுகிறது. உதாரணமாக, ஒரு குழு வேலையில், இவர்களின் டாமினேஷன் மிக அதிகம். நான் சொல்வதைத்தான் நீ செய்ய வேண்டும் என்று அழுத்தம் கொடுப்பது உறுப்பினர்களின் வெறுப்பையே வளர்க்கும்.

• இவர்கள் மற்றவர்களைப் பார்த்து பரிதாபப்பட்டு கொடை கொடுப்பார்கள், ஆனால் இவர்கள் யாரிடமும் எதையும் பெற்றுக்கொள்ளாத வறட்டுப்பிடிவாதம் உடையவர்கள். ஆம் எனக்கு உதவி தேவை என்று ஒப்புக்கொள்ள முடியாதவர்களும் பலவீனர்களே. ஆல்ஃபா ஆண்கள் இந்த வகை பலவீனர்கள். 

• வெற்றி ஒன்றே இவர்களின் இலக்கு - போர் என்றால் சிலர் சாகத்தான் செய்வார்கள் என்பது இவர்களின் attitude. மனிதநேயமற்ற இந்த அணுகுமுறை கொடுக்கும் வெற்றியை எந்த அளவு அனுபவிக்க முடியும்.

• பெண் என்பவள் பாதுகாக்கப்பட வேண்டியவள் என்ற அணுகுமுறை, பெண்கள் தான் என்னைச்சுற்றுவார்கள், நான் அவர்களைக் கவர வேண்டிய அவசியமில்லை என்ற மனப்போக்கு இந்தக்காலத்திற்கு எள்ளளவும் பொருந்தாது. இப்படிப்பட்டக் கருத்துகளை வலியுறுத்தும் விதம் இப்போதும் படம் எடுத்ததால் , ஒரு படமும் ஓடாமல் தன் ரூட்டை மாற்ற வேண்டிய கட்டாயத்திற்குத் தள்ளப்பட்டார் ஒரு இளம் வாரிசு ஹீரோ. 

ஆல்ஃபா வகை என்பது பாலினம் சார்ந்தது அல்ல. ஆல்ஃபா பெண்களும் உண்டு. இப்படி பார்க்கும் போது, ஆல்ஃபா ஆண்கள் பெண்களைக் கவருகிறார்கள் என்பது மறுபரிசீலனைக்கு வைக்கப்படவேண்டிய ஒரு கருத்து.

Read more »

வாட்ஸப் க்ரூப் அட்ராசிட்டீ

வாட்ஸப் பயன்படுத்தும் எல்லோருக்கும் இப்படி ஒரு அனுபவம் இருக்கும் - சம்மந்தமே இல்லாத ஏதோ ஒரு குரூப்பில் யாராவது ஒருவர் நம்மைச் சேர்த்துவிட்டு இருப்பார்கள். நாமும் தேமேயென்று மெல்லவும் முடியாமல், முழுங்கவும் முடியாமல் மெம்பர்களாகத் தொடர்ந்து கொண்டிருப்போம்.  

தினமும் குட்மார்னிங் 20, குட்நைட் 30 - இமேஜுகளை டெலிட் செய்வதற்குள் போதும் போதுமென்றாகிவிடும். திடீரென்று ஒரு நாள் ஒரு 50 மெசெஜஃ பிறந்தநாள் வாழ்த்துக்கள் - நாமும் விஷஃ பண்ணுவதா வேண்டாமா. ஏதோ ஒரு டாபிக்கில் விவாதம் - அமெரிக்காவில் அவர்கள் இருக்கும் பிரதேசத்தில் ஏதோ தமிழ் மீட்டிங், அங்கே பொழியப்போகும் பனிமழை எச்சரிக்கை, புட்பால் மேட்ச், ஹல்லாரி-ட்ரம்ப் மோதல், அவர்கள் சம்மரில் கோல்ப் விளையாடப்போவது - இதே ரீதியில் அவர்கள் பேசிக்கொண்டே போகும் போது - நாம் வடிவேலு பாணியில் - என்னடா நடக்குது இங்க என்று நெளிய வேண்டியதுதான். சரி வெளியே வந்துவிடலாம் என்று நினைத்தால் நம்மை சேர்த்துவிட்டவன் நமக்கு நல்ல நண்பனாக இருப்பான். அதனால் தயங்குவோம். ஆனால் இன்க்ளூசிவாக இல்லாத ஒரு குரூப்பில் தொடர வேண்டியதில்லை. நாம் வெறும் ஆடியன்ஸாக எவ்வளவு நேரம் உட்கார்ந்திருப்பது. பையன் ஒரு மணி நேர லெக்சரையே கேட்கத் தயாராக இல்லை. உங்களைச் சேர்த்துவிட்ட நண்பனிடம் நாசூக்காகத்தெரிவித்துவிட்டு வெளியேறிவிட வேண்டியதுதான். I will tell you what - no one will miss you in such a group.

இன்னொரு பிரச்சனையும் இருக்கிறது - உணர்ச்சிவசப்பட்டு குரூப் ஆரம்பித்து சம்மந்தம் இல்லாதவர்களை மெம்பராக்கிவிடுவது. ஆரம்ப நாட்களில் நீங்களே குட்மார்னிங், குட் ஆப்டர்நூன், சூப்பர் தேர்ஸஃ டே எல்லாம் அனுப்பிக்கொண்டிருப்பீர்கள். கொஞ்ச நாட்களில் எல்லோரும் ஓடிவிட, நீங்களும் வெளியே செல்லத் தயங்கும் ஏதாவது ரெண்டு மூணு பேர் மட்டும் இருப்பது. இப்படி ஒரு சூழலில் நீங்கள் இருந்தால் அசிங்கப்படாதீர்கள் - அரசியல்ல இதல்லாம் சாதாரணம்பபா must be your reaction.

உண்மையான சிக்கல் எங்கே இருக்கிறது என்றால் - உங்களுக்கு குரூப்பில் யாரிடமோ ஒரு misunderstanding ஏற்பட்டுவிட்டது. உடனே அவர்கள் சம்மந்தப்பட்ட எல்லா குரூப்பிலிருந்தும் வெளியேறிவிட்டு அவர்களை block செய்து விடுவது என்பது ஒரு வகை வெர்ச்சுவல் வார். இதனால் பிரச்சனை தீருமா - நிச்சயம் இல்லை. காச்மீர் பிரச்சனைக்கு கிரிக்கெட் விளையாடமாட்டோம் என்று நம் அரசாங்கம் சொல்வது போன்ற சொல்யூஷன் இது. இது தற்சமயம் ஒரு prevalent trend ஆக இருக்கின்றது. இது ஒரு ஆரோக்கியமற்ற போக்கு. கம்யூனிக்கேஷனுக்கான அனைத்து சேனல்களையும் அடைத்துவிட்டால் பிரச்சனைக்குத் தீர்வு என்ன. ஒரு உறவோ, நட்போ வேண்டவே வேண்டாம் என்றால் மட்டும் இத்தகைய முடிவை எடுக்கலாம், இல்லையெனில் பிரச்சினையைப் பேசித்தீர்க்கலாம். கையடக்கக்கருவிகள் தவிர்க்க முடியாத்து ஆகிவிட்ட இக்காலத்தில், பெரிய முடிவுகளை இப்படி செல்போன், சமூக வலைத்தளங்கள் மூலம் எடுப்பதைத் தவிர்ப்பது நல்லது.

Read more »

ஆண்- பெண் நட்பு உறவுச்சிக்கல்கள்

இன்று ஒரு இருபதாண்டுகளுக்கு முன் இப்படி ஒரு பிரச்சினை நிலவியிருந்திருக்குமா, சந்தேகமே. லேட் 70ஸ் மற்றும் ஏர்லி 80க்களில் பிறந்த மத்திய வயதைச் சேர்ந்தவர்கள் எதிர்நோக்கியுள்ள புதிய வகைப்பிரச்சினை இது.

50, 60களில் இருபாலினரும் சேர்ந்து படித்திருந்தாலும், பெர்சனலாக எதிர்பாலினத்தவரைச் சேர்ந்த நண்பர்கள் இருந்திருப்பது கடினம். ஒரு குழுவாக நண்பர்களாகப் பழகியிருந்திருக்கலாம். ஆனால் தனியாக  ஒரு பெண் தன் நண்பனோடு அல்லது ஒரு ஆண் தன் தோழியோடு நேரம் செலவிடுவது என்பது இல்லை. 

இன்றைய சூழலில், 30களில் மற்றும் 40ன் துவக்கத்தில் இருப்போருக்கு மேற்சொன்னது போன்ற எதிர்பாலின நண்பர்கள் சர்வசாதாரணமாக இருக்கின்றனர். முக்கால்வாசிப்பேர் கல்லூரிக்கால வாட்ஸப் குரூப்பில் மெம்பராக இருக்கின்றார்கள். பழைய நண்பர்களோடு இன்றும் நேரம் செலவிடுகின்றனர். எந்தப்புள்ளியில் இது பிரச்சனையாக மாறுகிறது என்பதை அலசுவது need of the hourஆக உள்ளது.

வேல்யூஸ் என்பது மூன்று வகையாக உள்ளது - பெர்சனல் வேல்யூஸ், சொசைட்டல் வேல்யூஸ் மற்றும் மாரல் வேல்யூஸ்.

பெர்சனல் வேல்யூஸ் - நான் இப்படித்தான். நான் என்ன செய்கிறேன் என்பது எனக்குத் தெரியும். மற்றவர் நினைப்பபது பற்றி எனக்கு கவலையில்லை - ஒரு தடவ முடிவு பண்ணிட்டா, அப்றம் என் பேச்ச நானே கேட்க மாட்டேன் ரகம்.

சொசைட்டல் வேல்யூஸ் - ஒரு சாரார் சரி என்று கருதுவதைப் பொதுமைப்படுத்திவிடுவது. உதாரணமாக, போர்னோ பார்ப்பது இந்தக்காலத்தில் தவறில்லை, ஒரே பாலினத் திருமண்ம் சரி போன்றவை. 

இந்தப்பிரிவில் வருவது தான் ஆண்-பெண் நட்பும். இன்றைய தேதியில் இதில் தவறொன்றும் இல்லை. தவிர்க்க முடியாது என்பது சமுதாயத்தின் வேல்யூ. நட்பு, நட்பின் புனிதத்தோடு இருக்கிறது என்றே வைத்துக்கொள்வோம். எந்த முறையற்ற உறவும் உண்டாகவில்லை - நல்ல நண்பர்களாகவே தொடர்கின்றனர். நேரம் செலவிடுகின்றனர். ஒருவர் குடும்பத்தைப் பற்றி மற்றவர் அக்கறையோடும் அன்போடும் இருக்கின்றனர் என்று வைத்துக்கொள்வோம். ஆனால் சம்பந்தப்பட்ட ஆண்-பெண்ணில் யாரோ ஒருவரின் வாழ்க்கைத்துணைக்கு இந்த நட்பு பிடிக்கவில்லையெனில், நட்பைத் துண்டித்துக் கொள்வதே மாரல் வேல்யூ.  

நட்பை விட, வேறு எந்த சமூகக்கூறுகளையும் விட குடும்பம் என்ற அமைப்பே மேலானது. நீங்கள் நல்லநண்பர்கள் தான், நட்பைத் தாண்டி வேறொன்றும் உங்கள் இடையே இல்லை. ஒப்புக்கொள்கிறோம். ஆனாலும் உங்கள் வாழ்க்கைத்துணைக்குப் பிடிக்கவில்லையா - விலகிவிடுங்கள். நட்பு இந்த விலகலையும் புரிந்து கொள்ளும், தள்ளி நின்று உங்கள் வளர்ச்சியில் மனம் மகிழும். நட்பில் எந்த எதிர்பார்ப்பும் இல்லை - உங்களின் நலத்தைத் தவிர

Read more »